धनकुटा सेवा समाज, युके संग आबद्ध


Gov Reg No: 396/064/56

Introduction

Dhankuta
SAUGAT in PDF


 

Leaflet in PDF


Leaflet in Word

New Leaflet

Prativa Bidhan in PDF

 

Gov Reg
Certificate

धनकुटेलीको साधारण सभा सम्पन्न अमर रानामगर अध्यक्षमा चयन

गत १० जनवरी २०१५ का दिन अल्डरसटको ओजन रेष्टुरेष्टमा सम्पन्न धनकुटा सेवासमाज युकेको सम्पन्न बार्षिक साधारण सभाले रिटायर्ड क्याप्टेन अमर रानामगरलाई अध्यक्षमा चयन गरेको छ ।

सभाले सन् २००७ देखि नियमिति सचालन हुदै आएको धनकुटा जिल्लावासी समाज तथा धनकुटा प्रतिभा पुरस्कार कोषलाई पनि धनकुटा सेवासमाज अन्तर्गत समेट्ने सहमति भएको छ । सैनिक सेवामा सेवारत धनकुटेलीहरुको मुख्य भूमिका रहेको साथै विश्वभरका धनकुटेलीहरुको समेत योगदान रहेको प्रतिभा कोषले विगत ८ बर्ष देखि निरन्तर जिल्लावासीहरुलाई समेट्दै आएको छ । सन् २००९ मा सेवारत धनकुटेली जमात युकेबाट ब्रुनाई सरेपछि ब्रुनाईमै जिल्लावासीहरु बीच कार्यक्रम गर्दै आईरहेका थिए । सेवारत धनकुटेली जमात ब्रुनाई सरेपछि युकेमा पनि आवश्यकता महशुस गरि सन् २०१० मा धनकुटा सेवासमाज निर्माण गरिएको थियो । सेवारत धनकुटेली जमात ब्रुनाईबाट गतबर्ष युके फर्किए संगै एकै समितिमा एकताबद्ध भएका हुन ।

जिल्लावासी समाजले प्रतिभा कोषको लागि प्रतिब्यक्ति ७५ पाउण्ड उठाएर ३ लाख रुपैया संकलन गरि अक्षयकोष राखि सकेको छ भने सेवा समाजले प्रतिब्यक्ति २० पाउण्ड तिरेर सदस्यता लिने ब्यवस्था गरेको छ । ब्रुनाईबाट फर्किएका जिल्लावासी समाजका सदस्यलाई तोकिएको सदस्यता शुल्क तिरी सदस्यता लिन आग्रह गरेको छ । त्यस्तैगरि जिल्लावासीको हैसियतले छुटेका सबैलाई ७५ पाउण्ड तिरेर प्रतिभा कोषको लागि योगदान गर्न भनिएको छ ।
सभाले धनकुटा जिल्लाको लागि एम्बुलेन्स प्रोजेक्ट र प्रतिभा पुरस्कार कोषलाई ७ लाख बनाउने योजना अघि बढाएको छ । युकेमा रहेका सम्पूर्ण धनकुटा जिल्लावासीहरुको बार्षिक भेटघाट आगामी ३० अगष्टको दिन अल्डरसटमा गर्ने निर्णय गरेको छ ।

सभाले उपाध्यक्षद्धयमा पूर्ण फालेछ्वा लिम्बु, जयबहादुर तामाङ, सहसचिव चित्र लिम्बु, कोषाध्यक्षमा तेज पुलामी, सहकोषाध्यक्षमा डम्बर खजुम बाहेक बाँकी समितिका पुरानै पदाधिकारी तथा सदस्यहरुलाई यथावत गरिएको छ । सल्लाहकारहरुमा चाहि निवर्तमान अध्यक्ष धन रोगु, रिटायर्ड क्याप्टेन वेनिन्द्र लिम्बु, रिटायर्ड क्याप्टेन हरी लिम्बु र
धनबहादुर तिगेला चयन हुनु भएको छ ।

सभाको सभाध्यक्ष निवर्तमान अध्यक्ष धन रोगुले गर्नुभएको थियो भने सचालन सचिव नेत्र खजुमले गर्नुभएको थियो । अघिल्लो कार्यसमितिको कार्यकाल २ बर्ष रहेको थियो ।----------------------------------------------------------------------------------------------------

धनकुटा सेवा समाजको बार्षिक परिचयात्मक भेला सम्पन्न

आसफोर्ड, गत ३० अगष्ट २०१४ का दिन युकेमा रहेका धनकुटा जिल्लावासीहरुको परिचयात्मक बार्षिक भेला अल्डरसुटमा भब्यतापूर्वक सम्पन्न भएको छ ।

भेलालाई विशिष्ट अतिथिद्धय धर्मगुरु भिक्क्षु मगर, चलचित्रकर्मी तथा सामाजिक जागरणकर्ता भिष्मा चेम्जोङले सम्बोधन गर्नुभएको थियो । पूर्वको ९ वटै जिल्लाका आमन्त्रित अतिथिहरु मध्ये संखुवासभा जिल्ला सेवा समाजका अध्यक्ष विजय लिङथेपले शुभ कामना मन्तब्य दिनुभएको थियो । ताप्लेजुङ जिल्ला सेवा समाजका अध्यक्ष लक्ष्मी घिसिङ्, तेह्रथुम जिल्ला समाजका प्रतिनिधि त्रैलोक्य खापुङ, पाँचथर जिल्ला समाजका प्रतिनिधि राजकुमार आङदेम्बे लगायतका अतिथिहरुलाई खदा लगाईदिएर अध्यक्ष धन लिम्बु (रोगु) ले स्वागत गर्नुभएको थियो । कार्यक्रमलाई क्याप्टेन डिल्लिकुमार राई, सचिव नेत्र खजुम, रिटार्यड क्याप्टेन अमर रानामगर र पूर्व लेफ्टिनेण्ट हर्कबहादुर गुरुङले पनि सम्बोधन गर्नुभएको थियो ।

बिरानो कर्मभूमि युकेमा रहेका जिल्लावासी तथा छिमेकी, नातागोताबिच आपसी चिनजान र सामिप्यता कायम रहोस भन्ने उद्देश्यले सन् २००७ देखि नै बार्षिक भेटघाटको कार्यक्रम गर्दै आएको छ भने धनकुटा प्रतिभा पुरस्कार विगत ७ बर्षदेखि नेपालमा प्रदान गर्दै आएको छ ।
----------------------------------------------------------------------------------------------------------


धनकुटा जिल्लावासीहरुको भेला ३० अगष्टमा हुदै

गत १० अगष्टको दिन धनकुटा सेवा समाजको बैठक अल्डरसटको गोर्खा भिल्ला रेष्टुरेष्टमा सम्पन्न भयो ।

बैठकले यहि ३० अगष्ट २०१४ का दिन पूर्ववत निर्णय बमोजिम अल्डरसटमा जिल्लावासी परिचयात्मक भेला गर्ने निर्णय गर्दै कामको जिम्मेवार बाँडेको छ । लगभग ६ घण्टा चलेको बैठकले प्रत्येक बर्ष झै यसबर्ष नेपालमा प्रदान गरिएको धनकुटा प्रतिभा पुरस्कारको बारेमा समिक्षा गर्दै विभिन्न ठाँउमा सहयोग गर्नेहरुलाई धन्यवाद ज्ञापन गरयो । युकेभर छरिएर रहेका धनकुटा जिल्लावासीहरुको ब्यापक सहभागिता रहने उक्त कार्यक्रमलाई सफल बनाउन पनि सबैलाई आग्रह गरेको छ ।

समाजका सचिव नेत्र लिम्बुद्धारा औपचारिक रुपबाट संचालन गरिएको बैठकको सभाध्यक्ष धन रोगुले गर्नुभएको थियो ।
----------------------------------------------------------------------------------------------------------

 

धनकुटा प्रतिभा पुरस्कार तथा सम्मान वितरण कार्यक्रम सम्पन्न


गत चैत्र २२ का दिन धनकुटा प्रतिभा पुरस्कार तथा सम्मान सन् २०१४ प्रदान भयो ।


संगीत विधामा बसन्तटार २ की १५ बर्षिया गायिका श्रृयासी चेम्जोङ, ललितकला तर्फ बोधे ६ का धनबहादुर याख्खालाई जनही नगद रु १५ हजार र प्रमाणपत्र प्रदान गरियो । त्यस्तैगरि यस बर्षको धनकुटा प्रतिभा सम्मान खाल्सा क्षेत्रमा गाइने वाडाङ्मी पापानी लोकभाकाका गायक तथा गायिकाद्धय छिन्ताङ ८ का खनप्रसाद राई र पूर्णश्वरी राईलाई नगद सहित सम्मानपत्र हस्तान्तरण गरिएको थियो ।


धनकुटाको शौरभि होटलमा सम्पन्न एक भब्य समाहोहमा धनकुटा सेवा समाज वेलायतका अध्यक्ष धनबहादुर लिम्बु र सभासद अन्जना ताम्लिले हस्तान्तर गर्नुभएको हो ।

सन् २००७ साल देखि निरन्तर प्रदान हुदै आएको प्रतिभा पुरस्कार तथा सम्मानबाट बरिष्ठ गायक नबिनकिशोर राई ०६४, साहित्यकार मोमिला जोशि ०६४, नेपाल तारा विष्णु चेम्जोङ ०६४, खेलाडी कुशल श्रेष्ठ ०६४, बरिष्ठ गायक शम्भु राई ०६५, साहित्यकार झमक घिमिरे ०६५, इतिहासकार शिवकुमार श्रेष्ठ ०६५, बरिष्ठ गायक लक्ष्मी जोशि ०६६, साहित्यकार धनाहाँङ लिम्बु ०६६, संस्कृतिविद् सोम रानामगर ०६६, समाजसेवी हर्कबहादुर लामा ०६७, खेलाडी किरण चेम्जोङ ०६७, हाँस्य कलाकार समिर बराइली ०६८, गायक कृष्णभक्त राई ०६८, पत्रकार राजकुमार दिक्पाल ०६९, नेत्र चिकित्सक सन्दुक रुइत ०५९, लगायत सम्मानित तथा पुरस्कृत भई सक्नु भएको छ ।

धनकुटा प्रतिभा पुरस्कार कोष नामक संस्था औपचारिक रुपबाट वि.स.२०६४ मा जिल्ला प्रसासन कार्यालय धनकुटामा दर्ता गरिएको छ । यस संस्थाले आफ्नो मुखपत्रको रुपमा ‘धनकुटा सौगात’ प्रकाशन गर्दै आएको छ भने धनकुटाडटअर्गडटएनपी –धधध।मजबलपगतब।यचन।लउ वेवसाइट संचालन गर्दै आएको छ । यस कोषको वेलायत र धनकुटामा समानान्तर समिति संचालनमा रहेको छ भने संसारभर छरिएर रहेका धनकुटेलीहरुको सहयोग र सहभागिता रहेको छ ।

पुरस्कार तथा सम्मान वितरण कार्यक्रम लगतै धनकुटा परिवार वेलायतको तर्फबाट धनकुटाका सिधुवा स्थित अपाङ बालबालिकाहरुको निमित्त रु १ लाखको लताकपडा लगायत सरसामान पनि एक समारोह बीच अध्यक्ष लिम्बुले हरुतान्तरण गर्नु भएको छ । केही समय अघि गायक शम्भु राईको वेलायत आगमन बेला संकलित उक्त रकमलाई कल्याणकारी काममा लगाउने समितिले निर्णय गरेको थियो ।

धनकुटा प्रतिभा पुरस्कार तथा सम्मान प्राप्त गर्नुहुने ब्यक्तित्वहरुः
बरिष्ठ गायक नबिनकिशोर राई ०६४,
साहित्यकार मोमिला जोशि ०६४,
नेपाल तारा विष्णु चेम्जोङ ०६४,
खेलाडी कुशल श्रेष्ठ ०६४,
बरिष्ठ गायक शम्भु राई ०६५,
साहित्यकार झमक घिमिरे ०६५,
इतिहासकार शिवकुमार श्रेष्ठ ०६५,
बरिष्ठ गायक लक्ष्मी जोशि २०६६,
साहित्यकार धनाहाँङ लिम्बु ०६६,
संस्कृतिविद सोम रानामगर ०६६,
समाजसेवी हर्कबहादुर लामा २०६७,
खेलाडी किरण चेम्जोङ ०६७,
हाँस्य कलाकार समिर बराइली ०६८,
गायक कृष्णभक्त राई ०६८,
पत्रकार राजकुमार दिक्पाल ०६९,
नेत्र चिकित्सक सन्दुक रुइत ०५९
गायिका श्रृयासी चेम्जोङ ०७०
मूर्तिकार धनबहादुर याख्खा ०७०
पापानी गायक खनप्रसाद राई ०७०
पापानी गायिका पूर्णश्वरी राई ०७०

----------------------------------------------------------------------------------------------------------

धनकुटा प्रतिभा सम्मान तथा पुरस्कार वितरण सम्पन्न

काठमाडौं, ४ बैशाक २०७०, धनकुटा प्रतिभा सम्मान तथा पुरस्कार वितरण समारोह भब्यताको साथ सम्पन्न भयो ।

जन्मको आधारमा र कर्मको आधारमा धनकुटेली कहलिएका साथै राष्ट्रिय तथा अन्तर्राष्ट्रिय क्षेत्रमा ख्याती कमाएका ब्यक्तिहरु मध्ये प्रत्येक बर्ष उत्कृष्ट एकलाई सम्मान र उत्कृष्ट दुइलाई प्रतिभा पुरस्कार प्रदान हुर्दै आएको छ । धनकुटा प्रतिभा प्रतिष्ठान (पुरस्कार कोष) ले प्रदान गर्ने सम्मान तथा पुरस्कार यो पटक नेत्र विशेषज्ञ डा. सन्दुक रुइतलाई स्वास्थ्यको क्षेत्रमा विशेष योगदान पुर्याए बापत सम्मान तथा पुरस्कार पत्रकार राजकुमार दिक्पाल र गायक कृष्णभक्त राईलाई प्रदान भयो ।

काठमाडौको प्रज्ञा प्रतिष्ठानमा सम्पन्न समारोहको प्रमुख अतिथि बरिष्ठ साहित्यकार तुलसी दिवस, बिशिष्ट अतिथि पूर्व मन्त्री रकम चेम्जोङ र पूर्व राज्य मन्त्री हरीराज खेवाले सयुक्त रुपबाट सम्मान तथा पुरस्कार वितरण गर्नुभएको थियो । वेलायती गोर्खा सेनामा सेवारत लगायत अन्य मुलकमा रहेका धनकुटा जिल्लावासीहरुको सयुक्त प्रयासमा यो सम्मान तथा पुरस्कार वितरण विगत ५ बर्षदेखि नियमित प्रदान हुदै आएको छ । सम्मानित तथा पुरस्कृत प्रत्येकलाई जनही नगद रु १० हजारका साथ प्रमाणपत्र प्रदान गर्ने परम्परा रहेको छ । सम्मानित स्रष्टाहरुले आयोजक तथा वेलायतबासीहरु प्रति आभार ब्यक्त गर्नुभयो ।

वितरण समारोहमा सहभागि सबैलाई एस. पी. गणेश ठाडामगरले स्वागत मन्तब्य राख्नु भएको थियो भने सम्मानित ब्यक्तित्वको बारेमा मनु ठाडाले बोल्नु भएको थियो । विश्वास दीप तिगेलाले संचालन गर्नुभएको उक्त कार्यक्रमको सभापतित्व प्रतिष्ठानका अध्यक्ष तेजनारायण सिं राईले गर्नुभएको थियो ।

----------------------------------------------------------------------------------------------------------

धनकुटा जिल्लावासीहरुको परिचयात्मक भेला सम्पन्न

सेरिया, ब्रुनाई, २३ जनवरी १२, ब्रुनाईमा सेवारत व्रिटिस गोर्खाका धनकुटा जिल्लावासीहरुको परिचयात्मक भेला सम्पन्न भयो ।
भेलामा कार्यबाहक अध्यक्ष डिल्लीकुमार राईले यस बर्ष धनकुटा प्रतिभा पुरस्कार २०६८ वितरणको बारेमा जानकारी गराउनु भएको थियो भने प्रवासमा भैपरि आउने समस्याको बेलामा छिमेक, नातागोता तथा जिल्लावासीहरुको आवश्यकता पर्ने सवालमा चर्चा भयो । क्याप्टेन टुपेन्द्र लिम्बु, श्रीमति पाना लिम्बु लगायतले बोल्नु भएको थियो भने कार्यक्रममा तम्बोला, राफल ड्र खेल साथै गायक लिम्बु नयनले गीत प्रस्तुत गर्नुभएको थियो । धनकुटा प्रतिभा प्रतिष्ठान (पुरस्कार कोष) को सम्बन्धमा विश्वास दीप तिगेलाले जानकारी गराउनु भएको थियो ।

देशविदेशमा रहेका धनकुटेलीहरुले सन् २००७ देखि प्रत्येक बर्ष धनकुटालाई राष्ट्रिय तथा अन्तर्राष्ट्रिय स्तरमा चिनाउने ब्यक्तित्वलाई नगद पुरस्कार तथा सम्मान प्रदान गर्दैै आएको छ ।

----------------------------------------------------------------------------------------------------------

धनकुटा प्रतिभा घोषणा

यस बर्षको धनकुटा प्रतिभा पुरस्कार र सम्मान प्राप्त गर्ने स्रष्टाहरुको नाम घोषणा भएको छ ।

लोकप्रिय गायक कृष्णभक्त राई र हाँस्य कलाकार अविर बराइली साथै गतबर्ष २०६७ को लागि राष्ट्रिय फूटबल खेलाडि किरण चेम्जोङ र समाजसेवी हर्कप्रसाद लामा चयन हुनु भएको छ ।

जन्मको आधारले वा कर्मको आधारले धनकुटा संग सम्बन्ध रहेको प्रतिभा जसले देशविदेशमा धनकुटालाई चिनाउन महत्वपूर्ण योगदान पुर्याए बापत यो धनकुटा प्रतिभा पुरस्कार तथा सम्मान प्रदान गरिन्छ ।

पुरस्कृत तथा सम्मानित सबैले प्रतिब्यक्ति नगद १० हजार रुपैया र प्रमाणपत्र प्राप्त गर्नेछन् । उक्त पुरस्कार तथा सम्मान वितरण कार्यक्रम आगामी पुस ८ गते धनकुटामा हुने कुरा धनकुटा प्रतिभा पुरस्कार कोषका अध्यक्ष तेजनारायण सिं राईले बताउनु भएको छ । वितरण कार्यक्रममा पुरस्कार कोष वेलायत, ब्रुनाई समितिका कार्यबाहक अध्यक्ष डिल्लीकुमार राई लगायत एक दर्जन ब्रुनाई प्रतिनिधिहरु सहभागि हुनेछन् ।

यस कोषले मोमिला जोशि २०६४, बिष्णु चेम्जोङ २०६४, कुशल श्रेष्ठ २०६४, नविन किशोर राई २०६४, झमक घिमिरे २०६५, शिवकुमार श्रेष्ठ २०६५, शम्भु राई २०६५, धनाहाँङ लिम्बु २०६६, लक्ष्मी जोशि २०६६, सोम रानामगर २०६६ लाई पुरस्कृत तथा सम्मान गरिसकेको छ ।

स्मरण रहोस यस कोषको स्थापना सन् २००७ मा कोसोभोमा स्थापनाको शुभारम्भ भई धनकुटा जिल्ला प्रसासन
कार्यालयमा दर्ता भएको हो ।

----------------------------------------------------------------------------------------------------------

धनकुटा जिल्लावासीहरुको बैठक सम्पन्न

ब्रुनाई, १६ नोभेम्बर ११, ब्रुनाईमा रहेका धनकुटा जिल्लावासीहरुको एक भेला सम्पन भयो ।

भेलाले यसवर्षको धनकुटा प्रतिभा पुरस्कार तथा सम्मानको लागि नेपालको धनकुटा प्रतिभा प्रतिष्ठान कोष कार्य समिति संग समन्वय गरेर तुरुन्त घोषणा गर्ने निर्णय ग¥यो । त्यस्तैगरि धनकुटा जिल्लावासी समाजको कार्यबाहक अध्यक्ष डिल्लीकुमार राईलाई चयन ग¥यो ।

धनकुटा जिल्लावासीहरुले प्रत्यक बर्ष धनकुटालाई देश विदेशमा चिनाउने प्रतिभा मध्ये उत्कृष्ट एक ब्यक्तिलाई सम्मान र दुईजनालाई पुरस्कृत गर्दै आएको छ । यसवर्षको पुरस्कार तथा सम्मानको लागि विश्वभर छरिएर रहेका धनकुटेलीहरु समक्ष आफूलाई उपयुक्त लागेको ब्यक्तिको नाम तुरुन्त पठाउन अनुरोध गरेको छ ।

धनकुटा प्रतिभा पुरस्कार तथा सम्मान कार्यक्रम सम्पन्न

 

धनकुटा, पौष ८, धनकुटा प्रतिभा प्रतिष्ठान (कोष) ले जन्म वा कर्मका आधारमा धनकुटा संग सम्बन्ध रहेको र देशविदेशमा धनकुटालाई चिनाउन योगदान पुर्याउने प्रतिभालाई हरेक वर्ष प्रदान गर्दै आएको यो सम्मान कार्यक्रम आज धनकुटा स्थित होटल सुरभीमा भव्य समारोहका बीच सम्पन्न भएको छ ।


उक्त सम्मान समारोहमा २०६७ का लागि सम्मानित व्यक्तित्वहरु अन्तरराष्टिय फुटबल खेलाडी गोलरक्षक किरण चेम्जोङ्ग र वरिष्ठ समाजसेवी हर्क प्रसाद लामा लाई सम्मानपत्र सहित जनही नगद रु १०,००० र दोसल्ला ओढाई सम्मान प्रदान गरिएको थियो । त्यसैगरि २०६८ का लागि चयन हुनु भएका गाएक कृष्णभक्त राई मोटरसाइकल दुर्घटनामा परि चोट लागेको कारण अनुपस्थित रहनु भएकोले आगामी वर्ष उक्त सम्मान वहाँलाई प्रदान गरिने जानकारी आयोजकले दिएका छन् भने हाँस्य कलाकार समीर बराइली लाई सम्मानपत्र सहित नगद रु १०,००० र दोसल्ला ओढाई सम्मान प्रदान गरिएको थियो ।

कार्यक्रममा समीरले आफ्नो प्रतिभा देखाएर निकै मनोरन्जन प्रदान गरेका थिए । सम्मानित ब्यक्तित्वहरुको परिचय दिने क्रममा किरण चेम्जोङ्गका बारेमा कमिटिका सदस्य अन्जना ताम्ली, हर्क प्रसाद लामाका बारेमा सह-सचिव हिमा चेम्जोङ्ग र समीर बराइलीका बारेमा सदस्य नैन रुचालले बोल्नु भएको थियो । करीब ३ घन्टा चलेको यस कार्यक्रमको प्रमुख अतिथि धनकुटा जिल्ला अदालतका प्रमुख न्यायधिश राम चन्द्र राई र विशेष अतिथिको रुपमा बेलायत/ब्रुनाई च्याप्टरका कार्यबाहक अध्यक्ष क्याप्टेन डिल्ली कुमार राई को उपस्थिति रहेको थियो ।

प्रतिष्ठानका सचिव जयपूर्ण भुजेलले संचालन गर्नु भएको उक्त कार्यक्रमको सभापतित्व कोषका अध्यक्ष तेजनारायण िसंह राई ले गर्नु भएको थियो भने कार्यक्रममा विशेष गरि ब्रुनाई/बेलायत च्याप्टरलाई धन्यवाद प्रदान गरिएको थियो ।

कोषले यसअघि गायक नविन किशोर राई, शम्भु राई, लक्ष्मी जोशी, साहित्यकार मोमिला जोशी, झमक घिमिरे, धनहाङ्ग लिम्बु, नेपाल स्टार विजेता विष्णु चेम्जोङ्ग, खेलाडी कुशल श्रेष्ठ, ईतिहासकार शिव कुमार श्रेष्ठ र संस्कृतिविद् सोम राना मगर लाई सम्मान प्रदान गरिसकेको छ ।

Photo>>

- मोहन राइ, पाख्रीबास

धनकुटा प्रतिभा पुरस्कार तथा सम्मान घोषणा

        काठमाडौँ, ५ पुस, धनकुटा प्रतिभा प्रतिष्ठान (कोष) ले दुई वर्षको धनकुटा प्रतिभा पुरस्कार र सम्मान प्राप्त गर्ने स्रष्टाको नाम घोषणा गरेको छ ।
        सो अनुसार २०६८ का लागि गायक कृष्णभक्त राई र हाँस्य कलाकार समिर बराइली तथा २०६७ का लागि राष्ट्रिय फुटबल खेलाडी किरण चेम्जोङ र समाजसेवी हर्कप्रसाद लामा चयन हुनु भएको छ ।

        जन्म वा कर्मका आधारले धनकुटासँग सम्बन्ध रहेको र देशविदेशमा धनकुटालाई चिनाउन योगदान पुर्‍याउने प्रतिभालाई सो सम्मान प्रत्येक वर्ष प्रदान गरिने कोषको प्रवास समिति कोषाध्यक्ष जितेन्द्र चेम्जोङले बताउनुभयो ।

        पुरस्कृत सबैले जनही रु १० हजार र प्रमाणपत्र प्राप्त गर्नेछन् । उक्त सम्मान यही पुस ८ गते धनकुटामा हुने कार्यक्रममा प्रदान गरिने कोषका अध्यक्ष तेजनारायणसिं राईले जानकारी दिनुभयो ।

       

कोषले यसअघि गायक नवीनकिशोर राई, शम्भु राई र लक्ष्मी जोशी, साहित्यकार मोमिला जोशी, झमक घिमिरे र धनहाङ लिम्बु, नेपाल स्टार विजेता विष्णु चेम्जोङ, खेलाडी कुशल श्रेष्ठ,इतिहासकारशिवकुमारश्रेष्ठरसंस्कृतिविद्सोमरानामगरलाईसम्मानगरिसकेकोछ

Litterateurs to be honored
 
Kathmandu, Dec. 20: Dhankuta Prativa Pratishthan has decided to honor different litterateurs from Dhankuta Prativa Prize. Pratishthan has decided to honor singer Krishna Bhakta Rai and comedian Samir Baraili for 2068, and footballer Kiran Chemjong and social activist Herka Prasad Lama for 2067.
 
The prize carries a purse of Rs. 10,000 cash to each. According to the treasure  of foreign bureau committee of the Pratishthan Jitendra Chemjong, the Prathisthan is awarding littérateurs every year for their contribution to make Dhankutta renowned in national and international level.
 
The honored personalities would be awarded by organizing a programme in Dhankuta on December 23. RSS

 



ब्रुनाई, १६ नोभेम्बर ११, ब्रुनाईमा रहेका धनकुटा जिल्लावासीहरुको एक भेला सम्पन भयो ।

बैठकले यसवर्षको धनकुटा प्रतिभा पुरस्कार तथा सम्मानको लागि नेपालको धनकुटा प्रतिभा प्रतिष्ठान कोष कार्य समिति संग समन्वय गरेर तुरुन्त घोषणा गर्ने निर्णय ग¥यो । त्यस्तैगरि धनकुटा जिल्लावासी समाजको कार्यबाहक अध्यक्ष डिल्लीकुमार राईलाई चयन ग¥यो ।

धनकुटा जिल्लावासीहरुले प्रत्यक बर्ष धनकुटालाई देश विदेशमा चिनाउने प्रतिभा मध्ये उत्कृष्ट एक ब्यक्तिलाई सम्मान र दुईजनालाई पुरस्कृत गर्दै आएको छ । यसवर्षको पुरस्कार तथा सम्मानको लागि विश्वभर छरिएर रहेका धनकुटेलीहरु समक्ष आफूलाई उपयुक्त लागेको ब्यक्तिको नाम तुरुन्त पठाउन अनुरोध गरेको छ । सम्पर्कः ourDhankuta@gmail.com or www.dhankuta.org.np मा पठाउन अनुरोध छ । or SMS            006738893020      

 

गत २३ डिसेम्बरको दिन धनकुटामा बसेको बैठकले अन्तिम निणर्य गरि २५ डिसेम्बरको दिन धनकुटाको सौरभिमा भब्य कार्यक्रम गरि बरिष्ठ तथा लोकप्रिय लोक गायक लक्ष्मी जोशि, मगर भाषा संस्कृतिमा उत्कृष्ट योगदान पुर्याउनु हुने सोम रानालाई धनकुटा प्रतिभा पुरस्कार २०६६ र बरिष्ठ साहित्यकार धनहाङ सुब्बालाई सम्मान २०६६ प्रदान गरिएको थियो ।

उपयुक्त ब्यक्तिहरुको नाम सिफारिस गर्न आग्रह

गत १९ मंसिर ०६६ का दिन धनकुटा प्रतिभा पुरस्कार कोष प्रतिष्ठान व्रुनाई तथा वेलायत च्याप्टरको वैठकले आगामी पुष १० गतेका दिन यस बर्षको धनकुटा प्रतिभा पुरस्कार २०६६ प्रदान गर्ने निर्णय गरेको छ ।


धनकुटा च्याप्टर संग समन्वय गरेर सम्पन्न उक्त बैठकले विश्वभर छरिएर रहनु भएका धनकुटेलीहरुलाई आआफ्नो तर्फबाट उपयुक्त ब्यक्तिहरुको नाम सिफारिस गर्न आग्रह गरेको छ । यस बर्ष साहित्य, संगीत, खेलकुद र समाजसेवाबाट २ जना र एकजनालाई सम्मान गरिने निर्णय भएको छ । कृपया तपाईको तर्फबाट पनि सिफारिस गर्नुहोस । सम्भावित ब्यक्तित्वको नाम ourDhankuta@gmail.com मा वा 00673 8893020/ Nepal: 009779842046942 मा जतिसक्दो चाडो पठाउन अनुरोध छ l साथै यो समाचार सबै धनकुटेलीहरुमा पुर् याउन पनि अनुरोध छ । 

पुरकार तथा सम्मान वितरण आगामी २५ डिसेम्बरका दिन धनकुटामा सम्पन्न हुनेछ ।


धनकुटेली परिचयात्मक भेला सम्पन्न

 

 

गत ११ जुलाईको दिन वेलायतको सर्नकिल्फमा धनकुटा जिल्लावासी परिचयात्मक भेला विभिन्न कार्यक्रम गरि भब्यताको साथमा सम्पन्न भयो।

धनकुटाबाट विभिन्न कारणले वेलायतमा आईपुगेका जिल्लावासीहरु बीच एकआपसमा भेटघाट तथा परिचय गर्ने उद्देश्यले आयोजित कार्यक्रममा वेलायतको विभिन्न ठाँउमा छरिएर रहेका धनकुटा जिल्लावासीहरुको ठूलो संख्यामा सहभागिता रहेको थियो।

उक्त भेलाले ज्ञान लिम्बुको अध्यक्षतामा वेलायतब्यापी धनकुटा जिल्लावासी समाजको निर्माण गर्‍यो। जसअनुसार उपाध्यक्ष द्धयमा जय तामाङ र धनबहादुर रोगु, सचिवमा श्रीमति शसी थापामगर, सहसचिव डिल्लिकुमार राई, आर्थिक सचिव धनबहादुर ठाडामगर, सह-आर्थिक सचिवमा सुरज गुरुङ र सदस्यहरुमा नन्दसिंह मगर (आसफोर्ड), दिल लिम्बु (क्यान्टवरी), धिरेन्द्र चेम्जोङ (म्यानचेष्टर), आनन्द देवान (अल्डरसुट), तारा लिम्बु (बर्मिङगम), बिष्णु राई (स्वीन्डन), पूर्ण लिम्बु (वेष्ट लण्डन), यान गुरुङ (फान्ब्रो), शम्भु लिम्बु (रिडिङ), याम राया (पल्मस्टर्ड), चित्रराज लिम्बु (कोलचेष्टर), श्रीमति राधा लिम्बु (ग्रेस), लोकप्रसाद लिम्बु (सर्नकिल्फ), जितेन्द्र चेम्जोङ (सर्नकिल्फ), डम्बर खजुम (सर्नकिल्फ), विश्वासदीप तिगेला (सर्नकिल्फ) र कमल मगर (ग्रीनवीच ल48डन) रहेका छन भने सल्लाहकारहरुमा रन थापामगर (वेम्ली), डा. सम्पूर्णानन्द ढुङगाना (लण्डन), अमर राना (फान्ब्रो), ब्यानेन्द्र इङनाम (लण्डन), हर्कबहादुर गुरुङ (फान्ब्रो), श्रीमति जसोदा लिम्बु (मेडस्टोन) र ज्ञानबहादुर लिम्बु (अल्डरसुट) रहनु भएको छ।

स्मरण रहोस, विश्वभर छरिएर रहेका तथा वेलायतवासी धनकुटेलीहरुको मुख्य सक्रियतामा विगत केही बर्षअघिबाट धनकुटा प्रतिभा पुरस्कार प्रदान हुदै आएको छ। धनकुटा प्रतिभा प्रतिष्ठान (पुरस्कार कोष) को नामबाट प्रदान गरिने धनकुटा प्रतिभा पुरस्कार प्रदानका गतिविधि, जिल्लाको परिचय लगायत विभिन्न गतिविधिहरुलाई समेटेर प्रकाशन गरिएको धनकुटा सौगात स्मारिकाको विमोचन भेलामा उपस्थित सबैभन्दा जेष्ठ नागरिक श्रीमति जामु याख्खा, ७२ ले गर्नुभयो। स्मारिकाको सम्पादन सुश्री भिमा खजुम, विश्वासदीप तिगेला, सन्तवीर लामा र जनार्दन घिमिरेले गर्नुभएको छ।

भेलामा नेपालको विभिन्न सामाजिक संघसंगठनहरुमा आबद्ध रही उलेख्य समाजसेवा गर्नुभएका ब्यक्तित्वहरुलाई सम्मान गरिएको थियो। जसअनुसार धरान चौविसे समाजका अध्यक्ष चन्द्रबहादुर लिम्बू, समाजसेवी हर्कबहादुर गुरुङ र महिला नेतृ शशि थापालाई समाजका अध्यक्ष ज्ञान लिम्बुले खादा ओढाई सम्मान गर्नुभएको थियो। भेलामा तम्बोला, राफल ड्र, भान्जि मुक्कुम र सुनिताको नृत्य साथै साँझमा सबैले सामुहिक नृत्यगरि मनोरन्जन गरेका थिए। कार्यक्रम सफल बनाउनको लागि लोक लिम्बु, डिल्लिकुमार राई, डम्बर खजुम लगायतको मुख्य भूमिका रहेको थियो।

सूचना

सबैको चाहाना अनुसार धनकुटा सौगात प्रकाशित भई सकेको छ । इच्छुकले सम्पर्क गर्नुहोला । धनकुटा जिल्लावासीको लागि अति उपयोगि बनेको छ ।

सूचना !!

धनकुटा प्रतिभा (कोष) प्रतिष्ठानले स्मारिका प्रकाशनको लागि काम धमाधम शुरु गरेको छ । धनकुटा संग सम्बन्धित छोटो मिठो सामाग्रि लगायत सल्लाह सुझाव पठाउनु होला । स्मारिकाको प्रस्तावित नाम १. धनकुटा सौगात, २. धनकुटा कोसेली, ३. धनकुटा परिचय, ४. धनकुटा दर्पण मध्ये कुन ठिक होला आफ्नो मत दिनुहुन अनुरोध छ ।


सूचना !!


सम्पूर्ण जिल्लावासी दाजुभाई तथा दिदीबहिनीहरु

यस बर्षअर्थात २०६५ को प्रतिभा छनौट प्रकृया अघि बढिरहेको छ । घरदेश र कर्म देश अर्थात विश्वभर छरिएर रहनु भएका सबैले यसबर्ष कसकसलाई पुरस्कृत तथा सम्मान गर्ने ? तपाईको मनमा लागेको ब्यक्तिको नाम र कारण इमेलमा पठाउन अनुरोध छ । प्रतिभा वेलायत र धनकुटा च्याप्टरको बैठक यहि नया बर्षको नजिकै बस्ने भएकोले कुनकुन विधा तथा कसकसलाई दिने निर्णय भई सकेको छैन यद्यपी साहित्य तर्फ, संगीत, खेलकुद वा अन्य तर्फको नाम र कसलाई सम्मान गर्ने वहाहरुको नाम सिफारिस गर्नुहुन अनुरोध छ । खुल्ला भोटिङको ब्यवस्था गर्दा भोलि पराजय हुनेको मर्यादामा अप्ठ्यारो पर्लाकी भनेर त्यसको ब्यवस्था छैन तर सबैले चाहेमा त्यो पनि गर्न सकिने जानकारी गराउन चाहान्छौ । सिफारिसमा समावेसि नाम प्राप्तहोस र गत साल झै समावेसि र सहि निर्णयहोस भन्ने चाहाना रहेको छ । जन्म र कर्मको आधारमा धनकुटेली कहलिएको सबैमा सिफारिस गर्ने समान अवसर रहेको छ । सहि ब्यक्ति सिफारिस गरेर जिल्लाको प्रतिष्ठामा सहयोग गर्नुहोस ।

email: ourDhankuta@gmail.com

 

 

कोष स्थापना र संचालनको लागि सदस्यता र सहभागितालाई आजै फाराम भर्नुहोस >>>>>>>>>>

 
© Dhankuta Prativa Puraskar